[Sodupen, 2023ko urriaren 15an] Urriaren 7an eta 8an, Euskal Selekzioak parte hartu zuen azken txapelketatik 5 urte igaro ondoren, Selekzioa zelaira itzuli zen «Quadball Nations Cup» lehiaketan parte hartzeko. Oraingo honetan, euskaldunek lehen aldiz nazioarteko selekzioen aurka jokatu zuten eta sailkapenean zortzigarren posturaino igotzea lortu zuten.
Lehenengo egunean, «Heriotzaren taldea» ezizenaz bataiatu zen taldean, Euskadik eguzkilore ekipazioa estreinatu zuen Frantzia, Italia, Ingalaterra, Espainia eta Kataluniaren aurka lehiatzeko. Bost enfrentamendu horietan Euskadik Ingalaterrari irabazi zion, eta talde euskaldunaz gain Italiak soilik lortu zuen egun hari irabaztea. Egun horretan Euskadik 26 gol sartu zituen eta 63 sartu zizkioten. Harrapaketei dagokienez, 5etik 4 hartu zituen.
Lehen eguneko emaitzak: Euskadi 40-120* Frantzia, Italia 180-110* Euskadi, Euskadi 90*-80 Ingalaterra, Catalunya 120-70* Euskadi, Euskadi 70*-160 Espainia.
catch
Egun gogor horren ondoren, Euskadi, kemena galdu gabe, igandera iritsi zen borroka emateko prest. Bigarren egunean, selekzioak Vietnam, Herbehereak eta Frantziaren aurka jokatu zuen, partidurik galdu gabe eta zortzigarren postua lortuta. Gertaera gogoangarria izan zen, bertaratutakoen iragarpenek 10-14 postuen artean kokatzen baitzuten selekzioa. Egun horretan Euskadik 30 gol sartu zituen eta 14 sartu zizkioten. Harrapaketei dagokienez, 3tik 2 hartu zituen. Txapelketaren amaieran Euskadik 56 gol sartu zituen, 77 sartu zizkioten eta 8 harrapaketatik 6 hartu zituen.
Bigarren eguneko emaitzak: Vietnam 30-150* Euskadi, Herbehereak 70*-130 Euskadi, Euskadi 80*-70 Frantzia
Euskal Selekzioaz gain, Espainiako selekzioaren lorpena nabarmendu behar da, lehen postua eskuratu baitu. Kataluniako selekzioak ere Euskadi baino bi postu gehiago lortu ditu, seigarren postuan. Euskadik nazioartean aurreko esperientzia zuten selekzio hauen aurka izan zituen norgehiagoka zuzenetan porrota lortu zuen.
Salouko (Tarragona) «Mediterranean Sport Village» kirol-gunea izan zen kirol-ekitaldi zirraragarri honen eszenatokia. Selekzio parteartzaileak, Katalunia eta Espainiaz gain, Japonia, Vietnam, Turkia, Austria, Alemania, Txekia, Irlanda, Eskozia, Eslovenia eta beste hainbat herrialdeetatik zetozen. Txapelketa aukera paregabea izan zen aurtengo Munduko Txapelketara joaterik izan ez zuten selekzioek eta joan ziren selekzioetako bigarren taldeek lagunarteko lehia giroan bat egiteko.
Quadballa 20 urteko kirol misto eta inklusiboa da. Errugbia, eskubaloia eta zelai errearen ezaugarriak bateratzen ditu, eta oso estrategikoa eta taktikoa da, inork galdu ezin duen ikuskizun paregabea! «Quadball Nations Cup» aukera paregabea da kirola maite dutenek partida zirraragarriez gozatzeko eta hainbat nazionalitatetako quadball jokalarien trebetasuna gertutik ikusteko. Kirola hobeto ulertzeko, kontsultatu «¿Qué es el quadball?» bideoa.
Kirol hau duela 9 urte hasi zen jokatzen Euskadin, eta denbora horretan zehar talde bat baino gehiago eratu dira probintzia bakoitzean, eskualdeetako txapelketetatik hasi eta herrialde bakoitzeko onenaren aurkako Europako txapelketetaraino. Euskadi Quadball elkarteak antolatzen ditu ekitaldiak eta erakustaldiak, ikastetxeekin koordinatzen da kirola egiteko eta Euskadiko kirolaren kudeaketa guztiak egiten ditu. Gaur egun, guztiz doakoa den Unitate Didaktiko bat eskaintzen dute, DBHko 1. eta 4. mailako geletan ezartzeko prest dagoena. Ikus https://www.euskadiquadball.eus/unidad-didactica-de-e-f/
Ekitaldiaren funtsezko xehetasunak:
Ekitaldiaren izena: Quadball Nations Cup
Data: 2023ko urriak 7 eta 8
Lekua: Mediterranean Sport Village, Salou, Tarragona
Selekzio parte-hartzaileak: 18 nazioarteko selekzio
Jokalari Kopurua: 350 Gutxi gorabehera
Informazio gehiago nahi izanez gero, jarri harremanetan:
Ane Aranguren
622 29 00 82
quadball.comunicacion@gmail.com