Euskadi Quadball Elkartea

Ongi etorri Euskadiko Quadball Elkartearen web orrialdera, kirol zoragarri honen praktikan interesatuta dagoen ororen elkargunea, eta gure kirol gogokoenaren zabalkuntza, sendotze eta aitorpenerako gure ekarpena.

Orrialde honetan kirola, honen edapenerako guk egiten dugun lana, bazkide diren taldeak eta antolatzen ditugun ekitaldiak ezagutu ahal izango dituzu.

Elkartea Kirola Txapelketa

Euskadi Quadball euskal lurralde historikoan eta inguruetan quadball-a sustatzen duen irabazi-asmorik gabeko elkarte bat da. 2016ko urriaren 14ean lortu zuen ofizialtasuna taldeen arteko loturak indartzeko helburuarekin eta horretarako erakunde antolatzaile fidagarri eta iraunkor bat izatea bilatzen du, etenik gabeko bilakaera bat lortzeko asmoz.

Azkenik, Elkarteak agintari eskudunek quadball-a kirol gisa aitortzea du helburu, baita kalitate eta berme gorenak ziurtatuta izango dituen txapelketa bat ahalbidetzen duen Kirol Federazio baten sorkuntza ere.

Irakurri gehiago

Quadball-a 2005 urtean EEBBetan Vermonteko Middlebury Unibertsitatean sortutako kirol mistoa da. Ordutik, garapen eta zabalkuntza handiaren ostean, gaur egun mundu mailan parte hartze handia dauka, batez ere Europa eta Amerikan (2016 urtean Frankfurten jokatutako azken mundu mailako lehiaketaren arabera).

Kirol honetako oinarri garrantzitsuenetarikoa inklusioa da. Pertsona ororen partaidetza bultzatzen du eta partaide guztien arteko errespetua, bizikidetza eta onarpena babesten dituen arautegia dauka horretarako. Hori dela eta, gizarte-bokazio handiko kirol gisa nabarmendu da berehala.

Irakurri gehiago

Euskadi mailan egitura antolatzaile nagusia izanik, Elkarteak, bere aldetik zein elkarlanean, taldeen arteko lehia ardatz duen hainbat ekitaldi antolatzen ditu, betiere kirola ezagutzera emateko helburuarekin eta barne hartzen dituen taldeen hobekuntzaren euskarri gisa jokatuz.

Egun, eskualde-, nazio- eta nazioarteko mailako txapelketetan parte hartzen duten 4 talde ditugu gure elkartearen barnean. Quadball munduan lehen pausuak ematen interesatua dagoen orori irekiak daude ere, beraz, ideia, proiektu edo eskaera edozein dela ere haiekin kontaktuan jar zaitezke.

Irakurri gehiago